Денеска е првиот ден од уписите на Универзитетот „Гоце Делчев“ - Штип и ќе трае во наредните денови заклучно со петок 14-ти Август.


Според објавениот конкурс, на 12 факултети и 3 академии има слободни вкупно 5390 места, од кои 3172 за редовно студирање во државна квота, 1208 за редовно студирање во квотата со кофинансирање и 1010 за вонредно студирање.

На денот на пријавување во првиот уписен рок, на кандидатите кои ќе конкурираат ќе им бидат потребни следните документи:

- пријава за запишување

- оригинални свидетелства од сите класови

- државна матура, меѓународна матура или училишна матура

- свидетелство за завршено средно образование

- извод од матична книга на родените

- доказ за државјанство на РМ (уверение или решение)

- потврда за уплатени :

- 300,00 денари на жиро сметка на Универзитетот за студиски програми за кои не се врши проверка на знаењата и умеењата и уплата за административна такса од 50,00 денари

- 500,00 денари на жиро сметка на Универзитетот за студиски програми за кои се врши проверка на знаењата и умеењата и уплата на за административна такса од 50,00 денари.

Жиро-сметка на Универзитет „Гоце Делчев“ - Штип 100000000063095
Сметка на корисник 1600160330-788-18
Приходна шифра 723019
Програма 44
Oбразец ПП-50

Сите информации во врска со останатите услови за запишување на факултетите и академиите на УГД можете да ги најдете во Конкурсот, на следниот линк.