Ново истражување спроведено во Кина покажува дека во земјата дневно починуваат 4.000 луѓе од загадувањето на воздухот. Еден во шест предвремени смртни случаи во најнаселената земја во светот е причинета од загадувањето.
На истражувањето работеле физичари од Универзитетот „Беркли“ во Калифорнија. Тие пресметале дека во Кина секоја година умираат 1,6 милиони луѓе од проблеми со срцето, белите дробови и мозочни удари предизвикани од премногу загадениот воздух.
Во истражувањето за загадувањето се обвинуваат испуштањата од горениот јаглен за електрична енергија и греење на домовите. Водечкиот автор на истражувањето, Роберт Род изјавува дека 38% од кинеското население живее во регион во кој квалитетот на воздухот се смета за „нездрав“.
- Тоа е многу голем број. Малку е тешко да ги замислите бројките. Најлошо е југоисточно од Пекинг. - вели Род.
Загадувањето е најлошо за време на зимата во Кина поради зголемото горење јаглен за загревање на домовите, но и временските услови, кои го чуваат валканиот воздух поблизу до површината на Земјата.