Колкумина би сакале да ја напуштат работата во која не уживаат за да патуваат? Веројатно овде ќе се пронајдат многумина, но малкумина можат да се пофалат дека го сториле истото. Валтер Чанг е херојот кој ја собрал храброста да даде отказ за да патува во 60 земји низ светот.

Тој спиел кај пријатели, работел повеќе и продал речиси сè за да има доволно средства за патувањата и на 13 септември во 2011 година се качил на авион и го започнал тригодишниот пат околу светот. Тој пешачел, спиел на аеродроми и во паркови, кампувал, бил ограбен и речиси загинал во пустините во Намибија. Но, истовремено запознал и многу пријатели кои му нуделе место за спиење и храна.

Потребни се многу страници за да се раскажат сите негови искуства од тие три години, но може да ѕирнеме во дел од нив преку неговите фотографии.