Норвешкиот совет за безбедност објави дека од јануари до декември оваа година, ниту едно дете на возраст до десет години не загинало во сообраќајна несреќа во земјата.




Ако овие статистики се задржи до крајот на месецот, Советот изјави дека 2015 година би била првата година во која ниту едно дете не го загубило животот во сообраќајна несреќа. Од Советот з абезбедност на Норвешка напоменуваат дека оваа поволна статистика се должи на построгата контрола на сообраќајот, но, исто така и поголемата одговорност на родителското однесување на патиштата.

"Луѓето имаат подобар став кон возењето, имаме подобри патишта и побезбедни возила од пред 15 години", рече директорот на Советот, Јаn Johanssen."

Не само што 2015-та година би била прва година во која ниту едно дете не го загубило животот во сообраќајна несреќа, туку Норвешка со оваа статистика се движи кон тоа да имаат најмал вкупен број на смртни случаеви во сообраќајните несреќи.

До крајот на ноември во сообраќајни несреќи загинале 113 Норвежани, а минатата година тој број изнесувал 147.

Во Македонија има помалку сообраќајни несреќи но повеќе жртви

124 луѓе загинале во сообраќајни несреќи во 11 месеци, 9 проценти повеќе од лани.  Помалку сообраќајки се случиле оваа година повеќе луѓе загинале. Алкохолот најретка причина во полициските бележници.


Додека јавноста калкулира кој е виновен за сообраќајките, негативната статистика е врз грбот  на возачите. Биле виновни во 95 проценти од случајите. За да биде појасно зошто повеќе се гине од лани, граѓанските иницијативи со вперен прст кон градските власти.

Скопје има најсмртонесен биланс, следат Битола, Велес и Тетово. Ако во миантото се гинеше на отворен пат, сега најкрвавите сцени се случуваат на зебрите во градовите. Надлежните вината ја гледаат во недоволната свест кај возачите, возачите во динамиакта на живеењето, а правдата доаѓа последна.