Британската компанија „Ендава“ месецов одбележа значајно достигнување во Македонија -
повеќе од 100 талентирани луѓе се веќе дел од тимот во Скопје. Во периодот кога оваа
организација се наметнува како зрела единица за испорака во една од компаниите за ИТ-
услуги со најбрз развој во регионот, „ендаванците“ избраа да дадат свој придонес на овој
повод со акција преку која ќе ѝ возвратат на локалната заедница.
Општествената одговорност игра значајна улога во културата на „Ендава“ и за секое лице што
денес испорачува проекти на глобалниот пазар од Скопје, компанијата донираше кутија полна
со шалови, ракавици, капи, играчки и слатки за децата од домот „11 октомври“ во Скопје.
- Нашата вклученост е повеќе од едноставна донација. За нас е навистина значајно секој,
индивидуално, да придонесе во иницијативите за општествена одговорност во кои што се
вклучуваме. Ни беше мило самите да ги избереме, подготвиме, спакуваме и доставиме
кутиите - вели Ендру Браун, менаџер на единицата за испорака во Скопје.
Учителите од домот „11 октомври“ кратко зборуваа за иницијативата и посакаа тимот во
Скопје во тековната година рапидно да порасне до 200 луѓе и ги поканија да се вратат со исто
толку кутии исполнети со радост.
Децата ги примија своите гости со прекрасна изведба, со пеење и танцување, опкружени од
убави празнични декорации.
Секако, вистинска прослава не е можна без торта, и освен 100-те кутии со радост, за својата
изведба децата беа наградени со вкусно изненадување.
Посетата на децата беше повеќе од достава на подароци и од попладне исполнето со
изненадување на двете страни. Тие се запознаа подобро, а членовите на тимот на „Ендава“
ветија дека останат во контакт и дека наскоро повторно ќе се сретнат.
За „Ендава“
„Ендава“ е приватна компанија за ИТ-услуги со над 2.500 вработени и канцеларии во Њујорк,
Атланта, Њу Џерси, Лондон и Франкфурт и шест центри за испорака во Романија, Молдавија,
Македонија и Србија. Основана во 2000 година „Ендава“ работи со некои од водечките светски
компании во секторите банкарство, исплати, осигурување, малопродажба, телекомуникациски
компании, медиуми и издаваштво и им помага да ги искористат дигиталните технологии и да
се транформираат во поагилни, поуслужливи и повредни бизниси.
Филозофијата на „Ендава“ е едноставна: создади успех за луѓето. За луѓето кои работат за нас,
за луѓето кои соработуваат со нас и за луѓето кои ги користат системите и платформите што ние
ги дизајнираме, градиме и оперираме.