18-месечниот Мартин Мицев на кој му е дијагностицирана исклучително ретка болест ембриобластен тумор на мозокот неодамна беше опериран во Македонија а оваа недела ќе следува негов постоперативен третман на клиника во Германија.

ФЗОМ го одобри лекувањето во Германија во целост во висина од 280.000 евра. Решението е предадено на родителите. Од ФЗОМ посакуваат побрзо излекување и закрепнување.

- Сакам јавно да им се заблагодарам на Фондот за здравство, Детска клиника и сите оние кои безрезервно и целосно се посветија да помогнат за лекување на Мартин во Германија, пред нас стои уште една голема битка која се надевам дека ќе ја победиме, изјави таткото на Мартин.