МАКЕДОНИЈА - Во Македонија во сабота не очекува уште еден облачен и
релативно топол ден за овој период од годината. Во утринските и
претпладневните часови појава на магла и ниска облачност која во поголем
дел од Македонија ќе се задржи во поголем дел од денот. Попладне и во
вечерните часови во северозападните, западните и југозападните предели
како и во областите околу планинските предели на Кожуф, Беласица и
Малешевијата се очекуват слаби врнежи од дожд. Слаб ветер од променлив
правец. Утринските температури од -1 до 6 степени, додека пак
максималните дневни температури ќе достигнат до 8 односно до 14 степени.
СКОПЈЕ – Во Скопје во сабота во утринските и претпладневните часови
појава на магла и ниска облачност, а попладне продор на облачна маса
која ќе го продолжи облачното време. Слаб ветер. Утринската температура
од 4 степени, а максималната дневна до 11 степени.
МАКЕДОНИЈА 5 ДЕНА – Во Македонија во недела умерено облачно време со
појава на повремени сончеви периоди и топло со максимални температури
кои ќе се движат од 8 до 14 степени. Во понеделник умерено облачно и
нестабилно со врнежи од дожд, додека над 1500 метри се очекуваат врнежи
од снег. Во текот на денот продор на ладна воздушна маса од север, која
ќе донесе засилен северен и студен ветер кој ќе услови осетен пад на
температурите и спуштање на снежната граница и на пониските населени
места, некаде до околу 300 метри. Максималните температури од 6 до 12 и
во текот на денот ќе опаѓаат. Во вторник студено утро со утрински
температури од -7 до 1 степен, во текот на денот претежно сончево со
локална облачност, ветровито и студено со температура од 0 до 6 степени.
Во среда во утринските часови појава на умерен мраз поради ниските
температури од -9 до -1 степен, во текот на денот сончево и студено со
дневни температури од 0 до 7 степени.
СКОПЈЕ 5 ДЕНА – Во Скопје во недела умерено облачно време со повремени
сончеви периоди и температура до 11 степени. Во понеделник нестабилно
време со врнежи од дожд, ветровито и студено, утринската температура
околу 9 степени и во текот на денот ќе биде во опаѓање. Во вторник и
среда по студените утра во текот на денот претежно сончево со локална
облачност и студено време со температура до 3 степени.