Големиот француски писател Александар Дима го направи овој остров познат и славен, кога во 19 век го издаде романот „Грофот Монте Кристо“. Островот ја чува легендата за закопаното богатство, кое тука го закопал лично „Црвенобрадиот“.

Точната локација и содржина на скриеното богатство и натаму е мистерија, а гласините за островот како место каде е скриен пленот, почнале пред неколку стотици години, кога манастирот на островот почнал да стекнува големо богатство. Гледано од денешен аспект, тоа и не е така чудно со оглед што првата капела на островот е изградена во 7 век, а потоа многу богати семејства донирале средства за изградба на манастирот.