Научниците од Универзитетот Бен Гурион во Негев, Израел, направиле алкотест кој за проценка дали некое лице има премногу испиено за да вози, користи паметни телефони. Според начинот на кој личноста оди - знае дали личноста е во состојба да вози.

 

Според нивните истражувања, сензорите прицврстени на паметните телефони, траките за фитнес, паметните часовници и очилата за виртуелна реалност се сто проценти сигурни и еднакви на тестовите кои ги користи полицијата.

Бен Наси вели дека алкохолот влијае врз движењето, одењето и рамнотежата - сето ова може да го забележат вградените сензори преку движењето на уредите кои луѓето ги користат и ги носат со себе цело време.

Во иднина, апликацијата ќе може да се користи за да ги алармира луѓето и да спречи тие воопшто да го запалат возилото, односно да ги спречи да возат под влијание на алкохол. Учесниците во истражувањето носеле „Google“ очила, „LG“ часовник на левата рака, „Microsoft Band“ фитнес тракер на десната рака и „Samsung Galaxy S4 телефон во десниот џеб.