Драгана Јакимова, студентка на Факултетот за информатички науки и компјутерско инженерство (ФИНКИ) победи на националниот натпревар за Microsoft Office Specialist на Македонија. Таа ќе ја претставува Македонија на интернационалниот натпревар во Орландо. Второто место го освои Анастасија Василевска од скопското средно училиште „Раде Јовчевски-Корчагин“.
За титулата се натпреваруваа најдобрите 40 средношколци, од кои 30 од цела Македонија и десет од Скопје. Оваа титула е една од најпрестижните за младинците од 13 до 22 години во светот. Кандидатите полагале 1205 квалификациски испити за Word, Excel, Power Point од MS Office 2013 и 2016.