Матурантите годинава положија со средна оценка 3.39, што значи дека имаат послаби резултати од лани, бидејќи тогаш средната оценка беше 3.42. Резултатот денеска го соопшти Државниот испитен центар, а учениците оценките може да ги проверат на огласните табли во училиштата како и електронски на matura.gov.mk. Просечната оценка ќе биде конечна по рокот за поднесување приговори кој ќе трае од 6 до 10 јули до 15 часот.

За испитите во јунската испитна сесија беа пријавени вкупно 16.426 матуранти.