Прочитај повеќе
156 години Никола Тесла - ретко интервју од 1889 година
Интересни факти за Никола Тесла
Тајните на Никола Тесла - Теслиното тројство
Никола Тесла го спасил светот
Интуицијата на Никола Тесла
Кој го уби Никола Тесла
Како изгледала посетата на Никола Тесла во Белград
Еве зошто Никола Тесла бил најголемиот "geek" на сите времиња
Никола Тесла (Смиљан, кај Госпиќ, Лика, 10 јули 1856 - Њујорк, 7 јануари 1943) бил генијален истражувач и пронаоѓач на полето на Електротехниката и радиотехниката.
Роден е во Смилјан, Австроунгарија, а по потекло е Србин. Подоцна добива американско државјанство и станува граѓанин на САД. Тесла е најпознат по своите револуционерни откритија во областа на електро-магнетизмот кон крајот на 19-ти и почетокот на 20-ти век. Патентите на Тесла и неговата теоретска работа стануваат основа за формирањето на целокупниот систем на наизменичната струја, вклучувајќи го и конструирањето на полифазните системи (поточно трофазните), како и на индукциониот мотор, со кој се претвора во предводник на Втората индустриска револуција.
По неговата демонстрација на бежичната комуникација (радиото) во 1893 година и откако е прогласен за неспорен победник во „Војната на струите“, тој станува најпочитуваниот и најголемиот американски и светски научник.
Голем дел од неговата најрана работа ќе стане основа за модерното инженерство, а многу од неговите откритија се од непроценлива важност за развитокот на модерната цивилизација. Во текот на овој период, во САД, славата на Тесла била споредлива само со онаа на најголемите научници во историјата или ѕвездите на популарната култура, но како резултат на неговиот ексцентричен карактер и неверојатни, понекогаш и фантастични тврдења за можни научни и технолошки откритија, Тесла на крајот завршува исмеан и обележан како луд научник. Никогаш не грижејќи се за пари, Тесла умира осиромашен и заборавен на возраст од 86 години.
Единицата во СИ системот за густина на магнетен флукс или магнетна индукција (често нарекувана магнетно поле и обележана со ознака ), во негова чест е наречена Тесла на Conférence Générale des Poids et Mesures во Париз во 1960 година.
Покрај неговата работа во областа на електро-магнетизмот и инженерството, генераторите, Тесла остава свој печат и во областа на роботиката, конструирањето на далечинскиот управувач и радарот, како и во развивањето на компјутерската наука, балистиката, нуклеарната и теоретската физика. Во 1943 година, Врховниот Суд на САД го прогласи Тесла за единствен пронаоѓач на радиото. Многу од неговите откритија се искористени, дел со примеси на контроверзија, за да поддржат теории во областа на псевдонауките, НЛО потрагите, како и на полето на окултизмот. Современите проучувачи на ликот и делото на Тесла го нарекуваат "човекот што го измисли дваесеттиот век" и "светецот-заштитник на модерниот електрицитет."
Иако бил номиниран за Нобелова награда, никогаш не го добил ова големо признание.
Прочитај повеќе
156 години Никола Тесла - ретко интервју од 1889 година
Интересни факти за Никола Тесла
Тајните на Никола Тесла - Теслиното тројство
Никола Тесла го спасил светот
Интуицијата на Никола Тесла
Кој го уби Никола Тесла
Како изгледала посетата на Никола Тесла во Белград
Еве зошто Никола Тесла бил најголемиот "geek" на сите времиња