Марк Закерберг, основач и директор на компанијата „Фејсбук“, ѝ испрати писмо на својата штотуку родена ќерка во кое ѝ зборува за значењето на играта во природа.
Писмото, што Закерберг и неговата сопруга Присила Чен го објавиле во август, зборува за магијата на детството и важноста на игрите, охрабрувајќи ги своите две деца да „не пораснат пребрзо“.
„Светот може да биде сериозно место. Затоа е важно да издвоите време за излегување надвор и играње. Се надеваме дека ќе трчаш колку што сакаш кругови во нашата дневна соба и дворот. И се надеваме дека многу ќе спиеш. Детството е магично и се случува само еднаш“, пишуваат родителите.
Иако писмото носи позитивна порака, некои медиуми сметаат дека е лицемерно со оглед на тоа што токму „Фејсбук“ претставува ризик за физичкото и психичкото здравје на
децата и младите, намалувајќи ги шансите за детство поминато во игра и во природа.