Денес е понеделник, 4 декември 2017 година, 338-иот ден во годината.
Сонцето изгреа во 06:38, а ќе зајде во 16:08 часот. Денот ќе трае 9 часа
и 30 минути.
Ова утро во Македонија имаме претежно облачно и посвежо време со
утрински температури кои што се во опаѓање во однос на изминатите
денови. Локално во крајните западни предели со услови за слаб дожд, а на
планините провејува слаб снег.
МАКЕДОНИЈА – Во Македонија денес во утринските и претпладневните часови
ќе биде претежно облачно, ветровито и свежо време, а во крајните западни
и северозападни предели со услови за слаби локални врнежи од дожд, а на
ридско-планинските предели и на планините со провејувње на слаб снег.
Попладне намалување на облачноста и повремени сончеви периоди. Ќе дува
доумерен западен и северозападен ветер. Минималните температури од -3
до 6 степени, додека пак максималните дневни ќе достигнат до 2 односно
до 13 степени.
СКОПЈЕ - Во Скопје денес во утринските и претпладневните часови ќе биде
претежно облачно, ветровито и свежо време, попладне намалување на
облачноста и услови за повремени сончеви периоди. Ќе дува доумерен
северозападен ветер. Утринската температура од 3 степени, а максималната
дневна ќе достигне до 10.
МАКЕДОНИЈА 5 ДЕНА - Порадии продорот на ладна воздушна маса од север и
во следните денови ќе продолжи трендот на пад на температурите, како на
утринските така и на дневните. Во вторник и среда студено утро со
утрински температури кои што ќе се движат во интервал од -7 до 1 степен,
а во текот на денот ќе биде умерено облачно со сончеви периоди,
ветровито и свежо време со дневни температури од 0 до 10 степени. Со
напомена дека во среда во попладневните часови облачноста ќе се намалува
и се повеќе сончеви периоди. Во четврток и петок студено утро со
минимални температури од -9 до -1 степен, а во текот на денот ќе биде
претежно сончево и потопло време со пораст на дневните температури кои
што ќе се движат во интервал од 2 до 12 односно од 0 до 10 степени.
СКОПЈЕ 5 ДЕНА - Во Скопје во вторник умерено облачно време со повремени
сончеви периоди, ветровито и студено време со дневна температура до 6
степени. Во среда студено утро со утринска температура од -2 степени а
во текот на денот претежно сончево со појава на локална облачност,
ветровито и студено време со максимални 6 степени. Во Скопје во четврток
и петок по студеното утро со температура од -4 степени, во текот на
денот ќе биде претежно сончево и потопло време со максимални 8 односно 6
степени.
КВАЛИТЕТ НА ВОЗДУХОТ - Според измерените податоци во 6 часот ова утро на
сите мерни места имаме ниско ниво на загаденост на воздухот. Во
изминатите 24 часа, особено вчера во вечерните часови како и во текот на
ноќта недела кон понеделник речиси насекаде со исклучок на Битола и
Лазарополе имавме високо ниво на загаденост на воздухот, особено големо
количество на штетни пм 10 честички во воздухот, и тоа: Скопје од 13 до
410 микрограми на метар кубен - највисоката вредност е измерена во
Лисиче, Кавадарци 251 микрограми на метар кубен, Кочани 177 микрограми
на метар кубен, Куманово 158 микрограми на метар кубен.
weather4all.com.mk