Секој од нас се раѓа како мал креативец и без разлика што животот ни ги „одзема“ овие способности, талентот секогаш го пронаоѓа својот пат.

Нашето „потесно“ семејство брои повеќе од 80 ракотворци, од тинејџери до пензионери, не разликуваме полови, степен на образование, верски или други припадности. Добредојдени се сите талентирани креативни луѓе со магични раце и љубов за она што го работат.

Бројот на занаетчии во „Еснаф“ постојано се зголемува. Богати сме со креативци и изработувачи кои го бараат своето место на пазарот. „Еснаф“ станува препознатлив по големиот избор на уникатни производи и персонализирани подароци и успешно ги задоволува желбите на најпребирливите купувачи.
Кога луѓето бираат подарок, без разлика дали е некое парче накит, декоративен предмет, некој додаток, имаат вистински ритуал, цела „анализа“ на личноста, возбуда, радост дека ќе израдуваат некоја драга личност, некое посебно задоволство. Кога си заминуваат со подарокот, заминуваат со целата среќа на светот.

Македонија била една од земјите што, покрај појавата на индустријализацијата, успеале да ги зачуваат и одржат занаетите во живот. Така и ние, неколку века подоцна, нашата инспирација ја црпиме токму од минатото, од богатата традиција и култура со која се одликува нашата земја.
Институтот Креативна Македонија, во чии рамки е создадено СП „Еснаф“ и чија мисија е развојот на креативниот и иновативниот потенцијал кај луѓето од сите возрасти, е организатор и спроведувач на повеќе циклуси работилници. Овие работилници под мотото „Создај наследство, научи занает“ се одлична можност да се изучуваат различни занаети како вeзење, плетење, шиење, изработки на накит во различни техники и др. Интересот е навистина голем, а ние сме пресреќни што придонесуваме дел од занаетите да останат актуелни.

Се наоѓаме на нова локација во центарот на градот, во близина на грчката амбасада.