Бесплатен онлајн-курс за развивање видеоигри

Последната деценија речиси секој совет за кариерата или успехот е поврзан со програмирањето. Експертите сметаат дека наскоро сите ќе знаеме да програмираме, па затоа ги советуваат сите да почнат да учат програмски јазици. Но, како да се почне?


Со помош на „Јунити“, платформа за видеоигри, може да почнете веднаш. Од минатата недела платформата почна бесплатно да нуди курс за развивање интерактивен софтвер, а не е потребно искуство за да го следите.

Курсот вклучува видеа кои ќе ви одземат 35 часа. За време на курсот се почнува со учење на основите на програмскиот јазик C#, а подоцна се учи и развивање на целосна видеоигра.


На „Јутјуб“ веќе има многу корисни видеа за програмирање од „Јунити“, но ова е ретка можност да се следи сертифициран курс од платформата, и тоа бесплатно. Курсот може да го пронајдете овде.

Автор: Марк Вилсон
Извор: fastcompany.com