Станал бездомник за да докаже дека може да заработи милион од нула - еве до каде стигнал
Еден претприемач ја продал својата куќа и дал отказ за да докаже дека е можно да се почне од нула и да се стане милионер.
Мајк Блек го прекинал амбициозниот проект со кој сакал да покаже дека е можно да се заработи милион долари за една година, и тоа од нула. По десет месеци предизвик, во кои живеел и како бездомник, бил принуден да се откаже поради нарушено здравје. Во тој период успеал да заработи 64.000 долари.
Блек објаснил дека боледува од две автоимуни болести кои му предизвикуваат постојана исцрпеност, хроничен замор и болки во зглобовите. Затоа одлучил здравјето и семејството да ги стави на прво место.
- Ова искуство ми ги отвори очите и ми покажа дека најважни се здравјето и благодарноста - вели тој.
Од живот на улица до сопствен бизнис
За да ја тестира својата теорија, Блек се откажал од сè што имал. Тој ги продал куќата и автомобилот и дал отказ од работа. На почетокот живеел на улица, а тврди дека луѓето одбивале да му дадат дури и вода.
Пресвртниот момент се случил кога еден човек му понудил да спие во комбе. Набргу почнал да заработува продавајќи мебел преку интернет, а првите 300 долари ги вложил во купување компјутер. За само неколку недели обезбедил деловен простор и изнајмил стан. Почнал да работи како менаџер за социјални мрежи и покренал сопствен бренд за кафе.
Иако не ја достигнал целта од милион долари, забележал колку далеку стигнал.
- Пред само три месеци бев бездомник, а денес имам работа, сопствен бренд и разговарам со големи технолошки компании - вели тој.
Експериментот бил прекинат поради болеста на неговиот татко
Конечната одлука да се откаже ја донел на 138. ден од предизвикот, откако дознал дека неговиот татко боледува од рак на дебелото црево.
- Здравјето и семејството се поважни од секој предизвик, затоа одлучив да го прекинам - изјавил тој испраќајќи порака дека е важно да им помогнеме на оние на кои им е потребна помош.
Неговиот проект, наречен „Предизвик - пат до милион долари од нула“, на крај испратил поинаква порака од онаа со која започнал - дека парите и славата не се секогаш најважни и дека здравјето, семејството и благодарноста треба да бидат на прво место.
Извор:
Nova.rs
Фото: Screenshot/YouTube