Мексико прекриено со мраз од 1,5 метар среде лето
Подготвил:
Тамара Гроздановски
Лектор:
Ивана Кузманоска
Шест предградија во мексиканскиот град Гвадалахара се прекриени со дебел слој мраз откако градот беше погоден од силна бура со град. Дебелината на мразот изнесува 1,5 метар, а некои автомобили беа затрупани до половина.
Фото: ВВС
Цивилната одбрана распоредила машини за чистење на улиците на градот во кој живеат околу 5 милиони жители. Локалните власти известуваат за поплави и паднати дрвја, меѓутоа, досега немало ниту едно повредено лице.
Фото: ВВС
Градот ова лето има температури повисоки од 30 степени. Иако и претходно се соочувал со бури со град, ваков вид бура досега не била видена.
Фото: ВВС
Властите велат дека се оштетени околу 200 куќи и десетици возила.
Фото: ВВС
- И потоа се прашуваме дали
климатските промени се реални. Ова се природни феномени што никогаш претходно не биле видени - изјави државниот гувернер Енрике Алфаро.
Фото: ВВС