Јапонците одгледуваат коцкести лубеници кои не се за јадење, а чинат 55 евра

Лубениците во облик на коцка, специјалитет од Зенцуџи во префектурата Кагава во Јапонија, иако не се премногу слатки и не се погодни за јадење, станаа популарни како летна декорација.

Парче од 18 квадратни сантиметри се продава за околу 55 евра.

Локална група одгледувачи ги развила коцкестите лубеници пред 50 години во обид да произведе овошје кое полесно би го собирало во фрижидерите.

Лубениците се обликуваат во коцки така што се одгледуваат во проѕирни квадратни садови со метални рамки кога ќе достигнат одредена големина.

Покрај лубениците, седум фарми во моментов одгледуваат коцкести дињи, а обликот на секој производ се проверува пред да се спакува во кутии за транспорт.

Фото: Screenshot/YouTube