Наставник од САД дал оставка за да работи во „Волмарт“ бидејќи платата е поголема

Наставник од САД дал оставка за да работи во „Волмарт“ бидејќи платата е поголема

Подготвил: Драгана Петрушевска

Поранешен наставник од Охајо, САД, станал популарен на интернет откако дал оставка и започнал да работи во трговскиот ланец „Волмарт“ бидејќи платата била поголема за 12.000 долари годишно.

Сет Гошорн, кој има 28 години, споделил видео на „Тик-ток“ во кое известува за новото работно место по шестгодишно работно искуство како наставник.

- Не би сакал да потценам никој што сака да стане наставник, тоа е една од најблагородните професии кои може да ги имате. Размислете за тоа колку добри би биле нашите наставници доколку само се фокусираат на предавањето, а не и на втората работа за време на викендите - изјавил Гошорн.

@sg_powerlifting Its not even close….. #fyp #walmart #education #leavingteaching #walmartcoach #careerchange ♬ Camera Shutter Click (Digital SLR Photo Camera Taking Pictures) [Version 3] - Finnolia Sound Effects


Поранешниот наставник предавал во второ одделение во период од 5 и пол години. Минатата година, неговата годишна плата изнесувала 43.000 долари.

Платата во „Волмарт“, каде работи како менаџер во магацин, му е 55.000 долари годишно без бонусите.

Извор: Indy100
Насловна фотографија: Tik-tok (Printscreen)