Научниците мислат дека ја решиле мистеријата за напуштениот антички град на Маите

Научниците сметаат дека конечно ја откриле долгогодишната мистерија зошто еден од најголемите градови во моќната империја на Маите бил напуштен.

Античкиот град на Маите, Тикал, гордо стоел во центарот на едно од најголемите светски кралства во период од 1.000 години. Како еден од најголемите и најважни урбани центри во античкиот свет, чудно е што исчезнал и останал напуштен за повторно да биде откриен векови подоцна - но, токму тоа се случило.

Во 1853 година во Гватемала случајно бил откопан градот Тикал, кој бил заспан 1.000 години. Од некоја  причина Маите го напуштиле, како и многу други градови во 9 век од н.е.

Сега истражувачите од Универзитетот во Синсинати веруваат дека ја откриле мистеријата - затоа што резервоарите во центарот на градот содржеле токсична вода што не се пиела. Значи, водите што некогаш ја одржувале оваа античка цивилизација, познати за Маите како Мутул, биле полни со жива и алги, така што оној што ја консумирал се чувствувал многу лошо.


Бидејќи делот од Гватемала во кој се наоѓа Тикал е склон кон суши, чистиот резервоар на дождовница бил од витално значење за опстанокот на луѓето што живееле таму. Но, пигментот што Маите го користеле за обојување на зградите и глинените производи изгледа навлегол во резервоарите со текот на годините, создавајќи опасен слој на талог богат со жива.

- Археолозите и антрополозите долго време се обидуваа да откријат што се случило со Маите. Најдовме два вида сино-зелени алги што произведуваат токсични хемикалии. Лошата работа е што тие се отпорни на вриење, па поради нив водата од овие резервоари била токсична за пиење - вели Дејвид Ленц, главниот автор на истражувањето.

Извор: Ladbible.com