Вонредна состојба во Сибир, температури до минус 52 степена

Во Сибир температурите достигнаа до минус 50 Целзиусови степени, поради што во некои области е воведена вонредна состојба.

Учениците во голем број училишта се на принуден распуст.

Поради временските услови, има проблеми и во воздушниот и во патниот сообраќај.

Според соопштението од неколку аеродроми, летовите доцнат и до седум часа, а во северен Сибир воздушниот сообраќај е целосно затворен.

Во Новосибирск, каде што температурата изнесува од минус 32 до минус 35 степени, дневно се откажуваат десетици автобуски линии.

И во источниот дел на Сибир се очекуваат екстремно ниски температури.

Хидрометеоролошкиот завод во Транс-Бајкалската област, каде што се предвидува температура до минус 52 степена, издаде предупредување за бура.

Извор: МИА