Работниот век во ЕУ се намалил, првпат од 2000 година

Жителите на земјите-членки на Европската Унија во просек живеат подолго, а работат помалку години, покажуваат податоци од 2020 г.

Просечниот број на работните години за Европејците се намалил првпат во овој век. Еден 15-годишен жител на ЕУ ќе помине просечно 35,7 години работејќи. Ова е 0,2 години помалку од просекот претходната година.

Сепак, графиконот на „Еуростат“ покажува дека бројот на работни години бил поголем во 2020 отколку на почетокот на векот.

Истовремено, медијаната на староста во ЕУ се зголемува и до 2050 г. се очекува да изнесува 48,2 години. Дотогаш се очекува да има половина милион стогодишници во земјите-членки на ЕУ.

Една од причините за намалениот број години што Европејците ги поминуваат работејќи можеби е пандемијата, што принудила многумина да престанат да работат или бараат работа, според извештај од „Еуростат“.

Извор: World Economic Forum
Фото: Pixabay