Зошто сѐ повеќе луѓе размислуваат да ја напуштат Германија

Истражување на јавното мислење покажало дека 35 отсто од анкетираните државјани на ЕУ размислуваат за заминување, додека трошоците за домување и живот растат.

Сè поголем број ЕУ-граѓани размислуваат да ја напуштат Германија поради растот на трошоците за живот, дискриминацијата и чувството на неприпадност.

Првпат во последните 15 години повеќе граѓани на ЕУ ја напуштаат Германија отколку што доаѓаат во земјата, наведува Телевизија Полска, повикувајќи се на истражување нарачано од сојузниот владин претставник на германската влада за миграции, бегалци и интеграција, Натали Павлик.

Извештајот покажува дека 35 отсто од испитаните граѓани на ЕУ размислуваат да ја напуштат Германија, додека 13 отсто веќе презеле конкретни чекори во таа насока. Меѓу испитаниците, 42 отсто како клучна причина за заминување ги навеле високите трошоци за домување, додека 36 отсто укажале на вкупните животни трошоци.

Речиси 39 отсто од анкетираните изјавиле дека не се чувствуваат целосно интегрирани во германското општество. Помеѓу 15 и 28 отсто навеле дека доживеале дискриминација.

Како дополнителни предизвици се издвоени јазичните бариери и тешкотиите при признавањето на стручните квалификации.

Извор: 6yka.com 
Фото: Freepik