Пловечка населба која сама ја прочистува водата: најголем пловечки станбен комплекс во Европа
Напуштените докови во Ротердам наскоро ќе имаат нова функција - и тоа не каква било. Наместо бетон и бариери, данското студио МАСТ и холандската градежна фирма „БИК Боув“ предложиле пловечка населба, која не само што го решава проблемот со домувањето, туку и ја прочистува водата, го поттикнува биодиверзитетот и го враќа градот во контакт со реката.
Тоа е најголемиот пловечки станбен комплекс во Европа, дизајниран од модуларни единици изградени од вкрстено ламинирано дрво, кои се произведуваат надвор од локацијата и се поставуваат директно на водата. Но, она што го издвојува овој проект не е само неговата иновативна конструкција, туку и фактот дека околу него ќе се формираат растителни формации кои ќе функционираат како природни биофилтри, чистејќи ја реката и создавајќи ново живеалиште за птици, риби и воден свет.
Најголемиот пловечки станбен комплекс во Европа
Проектот вклучува над 100 стана, комерцијални простори и јавни површини, како и рекреативно пристаниште во близина на центарот на градот, и е создаден како одговор на кризата со домувањето во Холандија.
Планирано е населбата да се состои од серија меѓусебно поврзани модуларни блокови, а кога ќе биде завршена, ќе биде најголемиот пловечки станбен комплекс во Европа, според основачот на МАСТ, Маршал Блечер.
Проектот има цел и да го подобри квалитетот на водата, да ја поддржи биолошката разновидност и да ги охрабри луѓето да се движат со велосипед и брод. Додека многу градови градат високи насипи и бариери, овој проект нуди поинаков пристап.
Одржлива алтернатива на традиционалното домување
Во соработка со инженерската фирма „Биоматрикс“, околу локацијата ќе бидат засадени 900 м² трски. Тие апсорбираат загадувачи и вишок хранливи материи, со што се прочистува водата и се овозможува безбедно капење.
Корењата на растенијата дејствуваат како природни биофилтри, зголемувајќи ја количината на кислород во водата и намалувајќи го цветањето на алгите. Трските обезбедуваат живеалиште за морски и птици преселници, риби, алги и други водни организми.
Извор: gradnja.rs
Фото: Slim Studio Screenshot