Австралија подготвува данок за социјалните мрежи, парите ќе одат кај издавачите

Австралија смисли начин како компаниите за социјални мрежи да плаќаат за поддршка на новинарството - данок од 2,25 проценти на приходот, кој може да се избегне ако компаниите се договорат со локалните медиуми. Таа идеја е претставена како замена за законот од 2021 година кој даваше номинална вредност на линковите за содржини на вести кои се споделуваат на социјалните мрежи.

Исто така, им сугерираше на компаниите „Гугл“ и „Мета платформс“ да преговораат со локалните издавачи со цел да се договорат за надомест за добивање дозвола за споделување линкови. Доколку технолошките компании не дојдат на преговарачката маса, ќе се соочат со присилна арбитража.

За време на преговорите, „Мета“ одлучи дека нема да им дозволи на своите корисници споделување линкови за вести во Австралија. Подоцна попушти и се договори со одделни локални издавачи.

Но, кога Канада воведе сличен закон, „Мета“ престана да им дозволува на своите корисници споделување линкови за вести со цел да се направи неподобна за плаќање. Таа позиција ја одржува до денес. Исто така, одби да ги обнови договорите постигнати според законот.

Затоа австралиската влада ги промени правилата. Според новиот нацрт-закон, секоја социјална мрежа што овозможува пристап до содржини на вести и остварува приход од 250 милиони австралиски долари годишно во Австралија (180 милиони американски долари) ќе мора да плати 2,25 проценти од локалните приходи. Плаќањето може да се избегне со склучување договори за плаќање на австралиските медиумски компании за финансирање на создавањето содржини или за правото на користење на нивните содржини.