Омилениот морски слон на Австралија стана интернет-ѕвезда: Нил ги крши сообраќајните конуси и тежи речиси еден тон

Се вика Нил, а оваа година стана вистински џин - и по големина и по популарност.

Ако сè уште не сте ги виделе виралните снимки, Нил е 5,5 години стар јужен морски слон (Mirounga leonina) кој секоја година се враќа на плажите во Хобарт, главниот град на австралиската сојузна држава Тасманија, за да ги отфрли старата кожа и крзното.

Но, оваа година Нил е поголем од кога било. Со секој нов слој сало расте и неговата популарност, па на „Тик-ток“ го следат повеќе од 1,4 милиони луѓе.

Кога бил младенче, Нил бил висок колку еден сообраќаен конус. Денес тежи толку многу што без мака ги згмечува, а тоа го прави речиси секогаш кога ќе му се најдат на патот.

@neiltheseal316 Neil is in familiar territory, he was knocking out these same guide posts 2 years ago in his season 3 visit here in these videos 🦭🚧🦺🚨 #neiltheseal #familiar ♬ original sound - Neil the Seal 🦭

Експертите од Одделот за природни ресурси и животна средина на Тасманија проценуваат дека овој морски слон моментално тежи околу 1.000 килограми. И покрај огромната тежина, Нил редовно ги посетува своите омилени места низ градот.

За толку големо животно, тој се движи изненадувачки лесно, а неговите необични навики ги освоија срцата на локалните жители и на милиони луѓе на интернет.

Со години Нил е забележуван како дреме среде улица, се излежува во дворови, се провлекува низ огради, поминува покрај луксузни теренци „ренџ ровер“ и дури се залетува во вратите на шупите.

@whitecatt000 Elephant seal Neil #fyp #tiktok #animals #cute #viral ♬ original sound - whitecatt01

Речиси секоја пречка што ќе му го привлече вниманието на крајот попушта под неговата огромна тежина и љубопитност.

Сепак, Нил не го прави тоа за да создава проблеми. Експертите објаснуваат дека морските слонови за време на менувањето на кожата имаат потреба да се тријат од различни површини. Него омилени му се сообраќајните конуси, кои службите ги поставуваат околу него кога ќе заспие на јавно место и одбива да се помести.

@neiltheseal316 Niel “Somebody lives here mate” #somebodylivesheremate #sealife #sealover ♬ Neiltheseal - Neil the Seal 🦭

Кога ќе се измори, знае да ја потпре главата врз портокаловите конуси или дури да ги пикне под своите перки.

Со текот на годините Нил станува сè посамоуверен додека ја менува кожата, што предизвикува сè повеќе главоболки за надлежните.

@jaycee904 Neil’s home 🏠🦭#neiltheseal #season4 #welcomehome @Neil the Seal 🦭 ♬ original sound - Jaycee

Извор: Science Alert
Фото: Marine Conservation Program/Department of Natural Resources and Environment Tasmania