За најдобриот дипломец на Филозофски, успехот на режисерката Ана Јакимска, графити-уметникот Драган Милованов... Што пишувавме неделава?

За најдобриот дипломец на Филозофски, успехот на режисерката Ана Јакимска, графити-уметникот Драган Милованов... Што пишувавме неделава?

Успешно завршена спортската сезона на УКИМ: „Универзитетскиот спорт обединува, се трудиме студентите да ги оттргнеме од телефоните и компјутерите“

Универзитетскиот спорт обединува, придонесува за толеранција и социјализација во општеството, помага да се развијат менталното и физичкото здравје, урива предрасуди и стереотипи, а натпреварите и тренинзите овозможуваат подобро меѓусебно запознавање на студентите од различни факултети.

Прилеп и Куманово за една деценија изгубиле над 800 основци, се формираат паралелки со тројца ученици

Според податоците добиени од Општина Куманово, која е втора по големина во државата по Скопје, во вкупно 16 основни училишта настава посетуваат 9.873 ученици, што е за 852 помалку од пред десет години кога имало 10.725 основци. Првачиња во оваа учебна година во Куманово има 1.089, а во учебната 2013/2014 биле 1.248, или за 159 помалку.

По скалилата на успехот со режисерката Ана Јакимска: „Кога почнувам да работам нешто, се прашувам дали вреди за времето што луѓето ќе го потрошат за да го гледаат?“

Ако зборуваме за први позначајни успеси во филмот, би го споменала учеството на филмскиот фестивал во Шангај, кој се случи на почетокот од мојата кариера како режисерка и ми отвори многу врати. Но, краткиот филм ретко стигнува до поширока публика дома, колку и да е популарен на филмски фестивали низ светот, вели Ана Јакимска


Привлечен од андерграунд-културата и уличната уметност, Драган Милованов од Битола повеќе од десет години твори како графити-уметник и илустратор и создавајќи мурали, го менува сивилото во урбаното живеење.

Дејан Радуловски, најдобар дипломец на Институтот за историја со просек 10,00: „Кога студирате со љубов, успехот е неизбежен“

Историјата е таква наука - колку повеќе истражувате, толку помалку знаете. Односно, како што би рекол Сократ: „Знам дека ништо не знам“. Токму тоа ја прави историјата интересна и привлечна наука, вели Дејан Радуловски, еден од најдобрите студенти на УКИМ