Правилниот ритам на музиката ја зголемува стимулацијата на мозокот

Музиката не е само забава, туку таа длабоко ја обликува нашата мозочна активност. Невронаучниците од Институтот „Ву Цаи“ при Универзитетот „Стенфорд“ откриле дека ритамот значително ја подобрува ефикасноста на транскранијалната магнетна стимулација (ТМС) - техника што се користи за истражување и лекување на низа невропсихијатриски нарушувања, вклучително и депресија.

Истражувачите ги следеле мозочните бранови во моторниот кортекс додека волонтерите слушале песни со различно темпо. Тие откриле дека мозочните бранови опаѓаат околу 200 милисекунди пред доминантниот ритам, моментот кога мозокот е најподготвен да се движи. Кога ТМС импулсите се темпираат токму тогаш, ефектот на стимулација се зголемува за дури 77 проценти. Дури и поместувањето на импулсот пред самиот ритам ги зголемило перформансите за 37 проценти, забележале истражувачите.

Индивидуални третмани со музика

Ова откритие отвора нови врати за клиничка примена на ТМС, која веќе покажа потенцијал во третманот на депресија и опсесивно-компулсивно нарушување. Доколку музиката може да ги синхронизира и подлабоките региони на мозокот, како што е префронталниот кортекс, третманите би можеле да станат поефикасни и индивидуално приспособени.

- Идејата дека можеме да манипулираме со состојбите на мозокот за да ги подобриме резултатите од третманот е исклучително возбудлива. ТМС би можела да се поврзе со персонализирана „музичка терапија“, каде што вистинската песна би можела да направи разлика помеѓу просечен и одличен исход од третманот - тврдат истражувачите.

Извор: bug.hr

Фото: Freepik