Дома учи и сѐ знае, а на училиште не. Се плаши дека ќе ѝ се смеат децата кога ќе почне да одговара... Што да направиме?

Мојата ќерка е четврто одделение, уредна е, педантна, учи со мене и јас ја испрашувам. Но, кога ќе се врати од училиште, кажува дека кревала рака, ама учителката не ја прашала. Зборував со учителката, но таа ми вели дека ќерка ми не знае, не се јавува, на што јас ѝ објаснив дека учиме заедно и дека ја испрашувам. На родителска средба учителката ми рече дека пак има минус, дека пак не научила, а претходниот ден со мене учеше и прераскажуваше. Кога дојдов дома, ќерка ми ми кажа дека кога ќе почне да одговара, децата ѝ се смеат. Ве молам за некоја насока или совет.