Останавте без гориво на автопат во Германија? Ќе платите висока казна

Во Германија, доколку останете без гориво или струја на автопат, тоа не се смета за обична непријатност, туку за прекршок што може да ве чини скапо.

Иако основната казна изнесува 35 евра, во пракса најчесто се плаќа 70 евра. Причината е што застанувањето подолго од три минути на автопат се смета за нелегално паркирање, што е строго забрането. Дополнително, може да добиете и казнен поен во сообраќајниот регистар. Ако полицијата утврди дека сте се застанале на опасно место или ако поради тоа настане сообраќајна несреќа, казната може дополнително да се зголеми.

Германските закони го сметаат останувањето без гориво или струја како резултат на неодговорност, бидејќи возачите имаат доволно предупредувања што се појавуваат на контролната табла на автомобилот. Затоа, се очекува одговорно планирање и редовна проверка на нивото на гориво или напон на батеријата пред да се тргне на пат.

За да избегнете непотребни трошоци и потенцијални опасности, секогаш погрижете се да имате доволно гориво или целосно наполнета батерија пред да возите по германските автопати.

Извор: N1info.hr
Фото: Unsplash