Суперкомпјутер предвидува точно кога ќе заврши животот на Земјата

Можеби звучи како сценарио од апокалиптичен филм, но суперкомпјутер предвиде кога ќе заврши светот. Но, не грижете се премногу бидејќи не се очекува тоа да се случи наскоро.

Група научници користеле суперкомпјутер за да утврдат дека преживувањето на планетата Земја ќе биде невозможно за околу 1 милијарда години, кога условите ќе станат премногу екстремни за живот каков што го знаеме.

На 6 мај, научниците од НАСА и Универзитетот Тохо од Јапонија го користеле компјутерот за да утврдат кога ќе заврши целиот живот на Земјата. Тие утврдиле дека Сонцето ќе го стави крајот на животот на Земјата околу годината 1,000,002,021, бидејќи ќе се прошири.

Истражувачите откриле дека Сонцето ќе станува сѐ потопло, а неговиот излез на енергија ќе продолжи да расте, постепено загревајќи ја планетата над прагот на живот.

Научниците години наназад ги проучуваат можните начини на кои Земјата би можела да исчезне.

Во истражување објавено во „Нејчр џиосајнс“ спроведено од Казуми Озак и Кристофер Т. Рајнхард во 2021 година било наведено дека на Земјата на крајот нема да има доволно кислород во нејзината атмосфера за да се одржи живот.

- Современата атмосфера на Земјата е високо оксигенирана и претставува сигнал што може да се детектира оддалеку за нејзината површинска биосфера. Меѓутоа, траењето на кислородните биосигнатури во Земјината атмосфера останува неизвесно, особено за далечната иднина. Овде користиме комбиниран модел на биогеохемија и клима за да ја испитаме веројатната временска рамка на кислородните атмосферски услови на Земјата - пишуваат научниците.

Истражувачите истакнале дека состојбата кога има доволно кислород во атмосферата не е „постојана“ за една планета, па нивните наоди имаат важни импликации за потрагата по живот на планети поволни за живот надвор од нашиот Сончев систем.

Извор: Yahoo.com
Фото: Freepik