„Ајфон дуо“ го подели интернетот: „Самсунг“ го исмејува, а цената од 1.999 долари предизвика лавина реакции

Премиерата на новиот преклопен уред од „Епл“ привлече внимание кај техно-ентузијастите и љубителите на мобилната технологија, но најмногу од сè – успеа да создаде голем јаз меѓу два табора: оние за кои дизајнот е многу подобар отколку што првично се мислеше и оние што во целата приказна за преклопните телефони гледаат многу малку смисла.

„Ајфон дуо“, првиот преклопен паметен телефон на „Епл“, сè уште не е ни излезен, а веќе успеа да предизвика реакции. Премиерно претставен на официјалниот настан на 9 септември 2026 година по цена од 1.999 долари, за само неколку часа успеа да го подели интернетот. Од една страна, секако, се наоѓа и конкуренцијата која почна да прави шеги.

Од друга страна, тука се форумите кои се поделија во мислењата, а тука се и класичните коментари од типот „купувам ајфон, продавам бубрег“, кои постојат уште од времето на „ајфон 3ГС“. Без оглед на која страна од оградата стоите, едно е сигурно - „Епл“ на пазарот на преклопни паметни телефони пристигнува седум години по „Самсунг“.

Реакции на дизајнот

Пред реакциите на јавноста, вреди да се спомене она што е поврзано со изгледот. „Ајфон дуо“ се отвора како мал пасошки паричник, а има внатрешен екран од 7,6 инчи и надворешен од 5,4 инчи, чип „А20 про“ и главна камера од 48 мегапиксели. Нарачките во претпродажба започнуваат на 16 октомври, додека испораките ќе започнат на 23 октомври. Почетната американска цена изнесува 1.999 долари за моделот со 256 GB меморија, додека во Европа цената очекувано ќе биде повисока.

Најострите коментари пристигнаа од конкуренцијата. „Самсунг“ упати остри критики за уредот, потсетувајќи ги сите дека токму тие ја започнаа приказната со преклопните уреди. На „Х“ објавија: „Јавете ни се кога ќе завршите со подгревање на нашите остатоци“.

Пораката не бара дополнително објаснување од повеќе причини. „Самсунг“ се занимава со преклопни паметни телефони веќе седум години, а познат е и по бурните критики за деловните одлуки на „Епл“, како што се отстранувањето на полначите и 3,5-милиметарските приклучоци за слушалки, за само малку потоа и самиот да ги копира. Во други објави, „ајфон дуо“ беше наречен своевидно продолжение без нови идеи, а „Самсунг“ се исмеваше и со можноста за користење на отворениот телефон како ноќен часовник.

Што велат „Редит“ и форумите: мислењата се поделени

Надвор од официјалните профили на големите компании, каде што може да се слушне гласот на вистинските корисници, сликата е значително помалку поларизирана. На „Редит“ и на форумите на „Макраморс“ првите впечатоци се речиси поделени, а целата расправа се сведува на едно прашање: дали некому му треба телефон што се преклопува?

Ентузијастите немаат многу дилеми околу тоа. Некои пишуваат дека уредот во живо изгледа уште подобро отколку на рендерите, додека на други им одговара фактот што овој преклопен телефон конечно има конкретни сценарија за употреба, наместо само да нуди поголем екран за гледање видеа.

На другата страна тонот е целосно поинаков. „Најбескорисниот телефон некогаш направен“, напиша еден корисник. Други истакнуваат дека уредот изгледа какo да е наменет поголемиот дел од времето да биде отворен.


Креатори, рецензенти и лавина мемиња

Во театарот „Стив Џобс“ се собраа новинари, аналитичари и креатори на содржини кои добија можност да го испробаат уредот. Маркес Браунли, познат како MKBHD и еден од најследените технолошки рецензенти во светот, се огласи веднаш, и тоа со доза на воздржаност која често ја користи кога сака да остави производот да зборува самиот за себе.

Првите впечатоци опишуваат нешто што рендерите едноставно не можат да го пренесат – физичкото чувство на отворање и склопување на „ајфон“. Си-ен-би-си и уште неколку медиуми го опишаа уредот како „најголем редизајн досега“.

Сепак, најгласна беше јавноста. Во рок од еден час „Х“ и другите друштвени мрежи беа преплавени од пародии и шеги, а објавите за „продажба на бубрег“ поради цената почнаа да се шират со голема брзина. Класична реакција што се појавува секојпат кога „Епл“ дополнително ја подигнува летвичката на цените.

Проблем со камерата и сенката на „ајфон 18 про“

Една критика се појави уште пред претставувањето, а тоа е камерата. Тестерите на прототипот често ја критикуваа камерата, оценувајќи ја како чекор назад во однос на класичните водечки модели.

Проблемот околу изборот на „Епл“ произлегува од самиот дизајн. Просторот во куќиштето на преклопниот телефон е едноставно ограничен, а поголемите сензори какви што „Епл“ користи во моделите „про“ тешко можат да се сместат во толку тенко куќиште. Ситуацијата дополнително ја комплицира споредбата со другите уреди што ги видовме на настанот. „Епл“ истовремено ги претстави „ајфон 18 про“ и „18 про макс“ кои го користат истиот чип „А20 про“, но имаат главна камера од 48 мегапиксели со променлив отвор на блендата и вистински физички ламели.