НАСА го одложи првиот лет на хеликоптерот на Марс

НАСА го одложи првиот лет на хеликоптерот на Марс

Подготвил: Драгана Петрушевска

Лектор: Ивана Кузманоска

Се чини дека ќе почекаме уште малку за да го видиме хеликоптерот на американската вселенска агенција НАСА како лета на Марс.

Агенцијата одлучила да го одложи првиот експериментален лет на хеликоптерот „Инџинуити“ поради проблем за време на тест за брзина на роторите на хеликоптерот, пренесува „Си-нет“. Како што објасниле од агенцијата, тестот на роторот на хеликоптерот завршил порано поради проблем со тајмерот што го известува системот за потенцијални проблеми.


Фото: NASA

Тимот што работи на хеликоптерот работи на дијагностицирање на проблемот и одново ќе го направи тестот на роторот по направена анализа.

НАСА планираше да го полета хеликоптерот в недела, на 11 април, но сега од агенцијата известиле дека летот нема да се случи пред 14 април. Сепак, тие додаваат дека хеликоптерот е во добра и безбедна состојба.

Кога хеликоптерот ќе полета, тоа ќе биде првиот лет контролиран од луѓето на друга планета. Експерименталниот хеликоптер, кој на Марс стигнал прикачен на роверот „Персевиренс“, може да создаде нови начини за истражување на нови светови.

Автор: Едвард Мојер
Извор: cnet.com