Oпасните болести што демнат во пештерите
Подготвил:
Тамара Гроздановски
Лектор:
Ивана Кузманоска
Докторите ги ставија во карантин момчињата што беа извлечени од тајландската пештера поради заразните организми со кои можеби се сретнале под земја. На кои болести би можеле да бидат изложени и колку се тие сериозни?
Засега момчињата се наоѓаат во стерилни изолирани простории, каде што единствениот контакт што им е дозволен е преку стаклена бариера. На нивните семејства им било кажано дека гушкањето и допирањето се забранети во периодот кога поминуваат низ низа тестови. Дури и ако им е дозволено, првата средба ќе биде на растојание од два метра и нивните родители ќе мора да носат заштитни костими. Зошто лекарите спроведуваат толку екстремни мерки на претпазливост?