Шансите да живеете подолго се подобри откако ќе наполните 105 години

Шансите да живеете подолго се подобри откако ќе наполните 105 години

Подготвил: Тамара Гроздановски

Лектор: Ивана Кузманоска

Најстарата личност во светот била Французинката Жан Калмент, која починала на возраст од 122 години и 164 дена во 1997 година - рекорд што го држи 21 година.

Бидејќи никој не ја надживеал, може да се претпостави дека луѓето ја достигнале својата граница. Но според едно ново истражување, ова можеби и не е вистина.

Истражувачите од Универзитетот во Калифорнија, „Беркли“ и Универзитетот „Сапиенца“ во Рим ги следеле животот и смртта на речиси 4.000 Италијанци на возраст од 105 години и постари во периодот помеѓу 2009 и 2015 година. Тие откриле дека шансите за умирање по 105-тата година всушност стагнирале.

vozrast
Фото: Shutterstock


Станува поголема веројатноста дека ќе умреме секој ден што го живееме бидејќи стапките на смртност се зголемуваат експоненцијално како што старееме. Меѓутоа, ако успееме да стигнеме до 80-тата година, шансите за умирање се намалуваат и стануваат 50:50.

- Тоа е еквивалентно на фрлање паричка секоја година - вели Џим Ваупел, еден од авторите и специјалист за стареење на Институтот „Макс Планк“.

Резултатите покажале дека луѓето помеѓу 105 и 109 години имале дополнителен очекуван животен век од една и пол година. Тој животен век бил ист за 110-годишниците и токму затоа е стагнирањето.

- Податоците ни покажуваат дека нема фиксна граница на животниот век на човекот. Не само што гледаме дека стапките на смртност престануваат да се влошуваат низ годините, туку гледаме и дека стануваа подобри со текот на времето - вели Кенет Вачтер, професор од „Беркли“.

Постои жестока дебата во научната заедница за тоа дали луѓето го достигнале животниот век. Вачтер и Ваупел веруваат дека нивниот труд е доказ дека не сме го достигнале.

Стапките на морталитет се зголемуваат кога стигнуваме до нашата 80. и 90. година поради дегенеративни болести, како деменција, поголем ризик од мозочен удар, рак и пневмонија.

Но Вачтер и Ваупел поставуваат теорија - дека луѓето што ќе ги преживеат овие болести го прават тоа поради природна селекција - послабите луѓе умираат порано, додека посилните стигнуваат до суперцентарска возраст. Сличен начин на живот бил забележан и кај црвите и мувите.

- Што имаме заедничко со мувите и црвите? Најмалку една работа: производ сме на еволуцијата - вели Вачтер.