Малезија ќе гради „зелени“ вештачки острови на кои нема да има автомобили

Малезија ќе гради три вештачки острови покрај брегот на Пенанг кои ќе бидат одржливи и ќе имаат автономни возила за јавен превоз, како и многу зелени површини.

Секој од островите ќе има облик на воден лилјан, а на него ќе има населби во кои може да живеат по 18.000 жители, плажи, урбани езера, паркови, шуми, културни квартови, технолошки центри и крајбрежје долго 25 километри.

Ова ќе биде површина без автомобили во која секоја населба ќе биде поврзана со мрежа од автономен јавен превоз преку копното, водата и воздухот. На островот ќе се користи обновлива енергија, а зградите ќе бидат изградени од бамбус и малезиски дрвја, покрај рециклираните материјали.

View this post on Instagram

BIG, @hijjas_architects_and_planners & @rambollgroup are selected as winners of Penang State Government's competition to design a masterplan for #Penang South Islands, providing Penangites with approximately 4.6km of public beaches, 600 acres of parks and a 25km waterfront! Our proposal – #BiodiverCity – supports the #Penang2030 vision with a clear focus on livability, on stimulating a socially and economically inclusive development, and on environmental #sustainability for future generations. BiodiverCity will be a new sustainable, global destination where #cultural, ecological and economic growth is secured and where people & nature co-exist in one of the most #biodiverse places on the planet at the southern shore of Penang Island. Take the tour on big.dk (link in bio)! Animation by BIG & @lucianracovitan

A post shared by BIG - Bjarke Ingels Group (@big_builds) on Aug 20, 2020 at 6:45am PDT

На проектот работи фирмата „Бјарке Ингелс груп“, која била најмена од локалните власти, а соработува со фирмата „Рамбол“ и група локални архитекти.

Според дизајнерите, целта е да се создаде социјално и економски инклузивно место, притоа заштитувајќи ги богатите природни живеалишта и биодиверзитетот во регионот. Сè  уште не се знае кога ќе бидат изградени островите, но проектот е дел од владината иницијатива „Пенанг2030“, која се фокусира на подобрување на економијата и околината во Малезија преку одржливи проекти и развој.

Автор: Саша Брејди
Извор: lonelyplanet.com
Насловна фотографија: Instagram