Пронајдени фосили од желка со големина на автомобил

Во Јужна Америка уште се откриваат фосили од желки со големина на автомобил. Новите се пронајдени во пустината Татакоа во Колумбија и областа Урмако од Венецуела.

Желката stupendemys geographicus, како што се претпоставува, живеела во областа пред 7 до 13 милиони години. Првите фосили од ваква желка се пронајдени во 70-тите години, но овие животни сè уште се мистерија за научниците.

Долги се четири метри, односно биле големи и тешки колку еден просечен автомобил и ги населувале мочуришните предели низ Јужна Америка, пред да се создадат реките Амазон и Ориноко.

Денешните џиновски желки, за споредба, растат до 1,5 метар во должина.

Мажјаците имале издолжен преден дел од оклопот, во облик на рог, а длабоките лузни на фосилите укажуваат дека тие биле користени како одбрана против противниците. Желките живееле на дното на езерата и реките, заедно со џиновските крокодили, а се хранеле со помали животни, растенија, овошје и семиња.