СЗО издаде итно предупредување за сите држави - еве во кои земји досега е регистрирана заразата

Генералниот директор на Светската здравствена организација (СЗО), Тедрос Аданом Гебрејесус, ги повика сите влади на максимална претпазливост и подготовка за нови случаи на хантавирус. По трагедијата на крстосувачот „МВ Хондиус“, каде што три лица починаа, вирусот стигна во срцето на Европа.

Заразата е потврдена кај девет лица, а досега битката со болеста ја изгубија тројца патници – двајца Холанѓани и еден Германец. Иако овој вирус обично не се шири меѓу луѓето, се сомнева на андската варијанта која овозможува пренос преку близок контакт.

Црна листа - земји во кои е потврден вирусот

Според моменталните податоци на СЗО и локалните министерства за здравство, заразените патници се вратиле или се сместени во карантини во следниве држави:

Франција: Една жена (65) во критична состојба, приклучена на респиратор и вештачки бели дробови во Париз.
Шпанија: Еден патник сместен во воена болница во Мадрид, откако е потврден позитивен тест.
САД: Потврден најмалку еден случај кај евакуиран државјанин.
Велика Британија: 10 лица во изолација (евакуирани од островите Света Елена и островот Вознесение).
Холандија и Германија: Регистриран најголем број жртви и сомнителни контакти.

Периодот на инкубација на хантавирусот трае исклучително долго – од 6 до 8 недели. Тоа значи дека лицата што биле во контакт со заразените би можеле да развијат симптоми дури кон крајот на мај или во јуни, предупредува СЗО.

Суров карантин - 42 дена под надзор