Научниците открија три нови планети скриени во нашата галаксија

Научниците открија три нови планети скриени во нашата галаксија

Подготвил: Тамара Гроздановски

Лектор: Ивана Кузманоска

Откриени се три мали планети во нашата галаксија. Ова се најмладите планети некогаш видени. Истражувачите користеле нова техника за да ги пронајдат новоформираните светови околу една млада ѕвезда што е релативно блиску до нашата.

Тие сега се надеваат дека ќе можат да најдат уште почудни светови, користејќи ја истата техника. Исто така, откритието може да фрли светло врз тоа како планетите се формираат во најраните фази.

Досега се откриени илјадници егзопланети, во голема мера со користење на космичкиот телескоп „Кеплер“ што ја следи светлината што ја предизвикуваат додека поминуваат пред нивната ѕвезда. Но протопланетите од ваков вид не можат да бидат пронајдени со користење на тие техники.

galaksija

- Иако во последните неколку децении се откриени илјадници егзопланети, откривањето на протопланетите е на границата на науката - велик Кристоф Пинт од Универзитетот „Монаш“ во Австралија и водечки автор на еден од двата труда.

Научниците ги пронашле планетите така што внимавале на нарушувањата на дискот полн со гас околу ѕвездата. Тие барале одреден вид светлина што се емитира од движењето на јаглероден моноксид - што им овозможува да разберат како гасот во дискот се разгорува.

Ако на дискот немало планети, тогаш гасот се движи со едноставен, предвидлив модел. Но необичното движење се чини дека сугерира дека таму има големо тело.

- Потребно е релативно голем објект, како планета, за да создаде локализирани нарушувања во ова инаку уредно движење. Нашата нова техника го применува овој принцип за да ни помогне да разбереме како се формираат планетарните системи - вели Пинте.

Постојат и други потенцијални објаснувања за чудните податоци што доаѓаат од ѕвездата. Но новите наоди се најсилни докази дека постојат нови светови што се формираат во нашето галактичко соседство.

Откритието било направено со анализа на слики испратени од високопридвижуваните телескопи насочени длабоко во галаксијата, на начин што досега не бил направен.

- Новиот пристап може да открие некои од најмладите планети во нашата галаксија, благодарение на сликите со висока резолуција - вели Ричард Тејг, астроном на Универзитетот во Мичиген и главен автор на другиот труд.