Зошто понекогаш зборуваме во сон?

Сомнилокијата, или зборувањето во сон, е една од формите на парасомнија, т.е. нарушувања во однесувањето за време на спиењето. Се карактеризира со зборување во длабок сон. Доста честа појава е и не се смета за медицински проблем.

Луѓето зборуваат во сон максимум 30 секунди непрекинато, но некои можат да го повторат тоа неколку пати во текот на ноќта. Понекогаш тоа се многу јасни изрази, така што можете целосно да разберете што зборува заспаниот.

Сепак, понекогаш тоа ќе биде мрморење кое е тешко да се разбере, па додека слушате, ќе ви изгледа како да зборуваат сами со себе. Некои шепотат, а некои викаат.

Половина од децата на возраст од три до десет години зборуваат во сон, а само мал број возрасни - околу 5 отсто. Некои можат да зборуваат секоја вечер. И мажите и жените го прават тоа еднакво. Експертите веруваат дека зборувањето во сон е наследно.

Зошто зборуваме во сон?


При кошмари или стравови, децата врескаат, викаат и се удираат. Тешко е да ги разбудите од таа состојба. Децата што имаат кошмари често месечарат и зборуваат во сон. Зборувањето во сон може да се случи при месечарење, но и при нарушувања на исхраната во сон, состојба во која човекот јаде во сон.

Нарушувањето на однесувањето за време на РЕМ-спиењето може да резултира со викање, па дури и насилно однесување.

Дали човек кој зборува во сон треба да се разбуди?

Ако го разбудите оној што зборува во сон, а кој инаку е хронично ненаспан, тој може накратко да престане да зборува, но штом повторно ќе заспие, ќе продолжи со зборувањето.