Може ли дивото оригано да помогне во чистењето на телото од хеликобактер пилори

Дивото оригано, или есенцијалното масло од диво оригано, дејствува против хеликобактер пилори, првенствено преку неговите главни активни соединенија - карвакрол и тимол, кои користат повеќе механизми за да ја нарушат физичката структура на бактеријата и да го спречат нејзиниот опстанок. Иако маслото од диво оригано генерално добро се толерира, некои луѓе може да доживеат стомачни тегоби или алергиски реакции и се препорачува да се започне со мала доза за да се следат можни несакани реакции.

Дивото органо се покажало како ефикасна природна алтернатива на лековите

Хеликобактер пилори е бактерија во облик на спирала и е исклучително честа инфекција низ целиот свет - повеќе од две третини од светската популација страдаат од неа. Бактеријата ја инфицира слузницата на желудникот и често е причина за хроничен гастритис тип Б, чир на желудник и рак на желудник. Иако антибиотиците остануваат главен столб на третманот за инфекции со бактеријата, зголемената отпорност на овие лекови ја поттикнува потрагата по природни алтернативи.

Дивото органо се покажа како ефикасна алтернатива, растение кое се користело во медицината низ историјата и чие дејство е научно потврдено. Ориганото не е само ароматична кујнска билка, туку е богато со моќни соединенија кои покажале антимикробни својства. Главните состојки одговорни за неговото антимикробно дејство се:

-Карвакрол - ова фенолно соединение, кое е доминантно во маслото од оригано, е проучено поради неговите антибактериски својства, особено против хеликобактер пилори.

-Тимол - друго соединение кое работи во синергија со карвакрол, подобрувајќи го антибактерискиот потенцијал на ориганото.

Како маслото од диво оригано влијае врз бактеријата хеликобактер пилори

Искоренувањето на оваа бактерија, како средство за спречување и лекување чир и одредени видови рак на желудник, сега е решение што природната медицина може да го имплементира преку докажан фитотерапевтски протокол. Студиите покажале дека земањето природни антибиотици, пробиотици и инхибитори на протонска пумпа (ППИ) се препорачува за борба против хеликобактер и ублажување на симптомите поврзани со бактеријата. Во лабораториски и мали по обем човечки студии, дивото оригано, или маслото од диво оригано, покажало значајна активност против бактеријата, поради неговите активни соединенија карвакрол и тимол. Сепак, експертите советуваат дека ова масло треба да се користи како дополнителен пристап под медицински надзор, а не како замена за конвенционалните антибиотски третмани.

Клучните наоди од лабораториските истражувања:

Бактерицидни ефекти: лабораториските студии потврдуваат дека маслото од оригано може ефикасно да уништи различни соеви на бактеријата, вклучувајќи ги и оние отпорни на вообичаени антибиотици.

Инхибиција на уреаза: хелиобактер пилори преживува во киселата средина на желудникот со производство на ензим наречен уреаза. Екстрактите од оригано го инхибираат овој ензим, правејќи ги бактериите чувствителни на желудочната киселина.

Синергија со други третмани: истражувањата покажуваат дека екстрактите од диво оригано можат да дејствуваат во синергија со други природни соединенија (како што се екстракти од брусница) за да ја зголемат нивната ефикасност против хеликобактер пилори.

Истражувачите од Универзитетот „Париз-Суд“ веруваат дека резултатите од ефектот на маслото од диво оригано врз бактеријата хеликобактер пилори би можеле да се искористат за развој на нови и алтернативни превентивни и терапевтски стратегии насочени кон борба против инфекцијата предизвикана од оваа бактерија.

Антибиотиците не можат секогаш да ја уништат хеликобактер пилори

Иако антибиотиците се камен-темелник на третманот со хеликобактер пилори, зголемената отпорност на лекови ја нагласува потребата од алтернативни стратегии, велат експертите. Ориганото, со своите ветувачки антимикробни својства, нуди потенцијално природен пристап против оваа сеприсутна бактерија. Како и секогаш, важно е да се пристапи кон природните третмани со став базиран на докази и во консултација со вашиот лекар.

Извор: eklinika.telegraf.rs

Фото: Freepik