Ова се најлошите градови за живот

Според Глобалниот индекс за квалитет на животот за 2026 година, кој го објавува „Економист интелиџенс јунит“, Дамаск во Сирија е прогласен за најлош град за живот во светот.

Индексот оценува 173 градови на скала до 100 бода според пет критериуми: стабилност, здравствена заштита, култура и животна средина, образование и инфраструктура.

Градовите што се наоѓаат на самото дно на листата се соочуваат со проблеми како што се долготрајни конфликти, висока стапка на криминал, политичка нестабилност или слаби економии.

Најлошо рангирани градови

Дамаск, Сирија (173. место) - на последното место се наоѓа уште од 2013 година поради тешките последици од граѓанската војна.

Триполи, Либија (172. место) - овој град се соочува со долготрајна политичка нестабилност и колапс на јавните служби.

Дака, Бангладеш (171. место) - Дака се бори со екстремна пренаселеност, загадување и лоша градска инфраструктура.

Карачи, Пакистан (170. место) - оптоварен е со високи безбедносни ризици, криминал и преоптоварени градски служби.

Алжир, Алжир (169. место) - Алжир е погоден со слабо управување и лоша урбана инфраструктура.

Лагос, Нигерија (168. место) - Лагос и понатаму трпи последици од брзиот раст на населението, инфлацијата и проблемите со јавната безбедност.

Хараре, Зимбабве (167. место) - Хараре е оптоварен со висока инфлација, политичка неизвесност и уривање на јавните системи.

Порт Морсби, Папуа Нова Гвинеја (166. место) - овој град е ограничен поради високата стапка на криминал и недостигот на сигурна инфраструктура.

Извор: 021.rs
Фото: Magnific