Ниеден македонски универзитет не се најде на Шангајската листа за 2025 година
Ниту еден македонски универзитет не се најде на годинашното академско рангирање на универзитетите во светот, попознато како Шангајска листа.
Универзитетот „Харвард“ е на врвот на листата веќе 26. година, а по него следуваат „Стенфорд“ и МИТ.
Од регионот, најдобро рангиран е Универзитетот во Белград, Србија, кој се најде на 401-500. позиција.
Универзитетот во Љубљана, Словенија, е рангиран од 501-600. место на листата.
На листата се најдоа четири грчки универзитети, од кои најдобро рангирани се Универзитетот „Аристотел“ во Солун и Националниот и Каподистриасов универзитет во Атина, кои се рангирани на 501-600. место.
Универзитетот во Загреб, Хрватска, е позициониран на 601-700. позиција на листата.
Од сето ова може да се согледа дека освен Македонија, од земјите од регионот, без високообразовна установа на листата се и Бугарија, Албанија, Косово, Црна Гора и Босна и Херцеговина.
Целата листа можете да ја видите
ТУКА.
Фото: Freepik