Научниците направија игра која го тестира апстрактното размислување и е бесплатна

Онлајн-играта „DecryptIQ“ е направена за да ја тестира способноста за апстрактно размислување, но истовремено претставува и научен експеримент преку кој истражувачите проучуваат како луѓето решаваат сложени проблеми.

Играта ја разви тим предводен од психологот Џорџ Габриел од Универзитетот во Лидс.

- Нашата цел е да го направиме најголемиот и најразновидниот збир на податоци за човечкото однесување при решавање проблеми што досега е забележан - вели Габриел.

Секој пат кога играте „DecryptIQ“ добивате различни загатки, со ненадејно (по случаен избор) одредени нивоа на тежина. Резултатот зависи од тоа колку брзо ги решавате задачите и колку потези ви се потребни.

Просечниот резултат е 100, а околу две третини од играчите постигнуваат помеѓу 85 и 115 поени. Помалку од 10 отсто остваруваат повеќе од 130. Според Габриел, подобри резултати главно постигнуваат луѓе кои се поуспешни во апстрактното размислување, какво што се користи при решавање алгебра или програмирање.

Една партија трае околу 10 до 15 минути. Ако играте првпат, добивате кратко упатство. Истражувачите објаснуваат дека ја направиле играта за да, преку проучување на потешкотиите при решавањето на задачите, пронајдат подобри начини за предавање математика и компјутерски науки.

Принципот на играта е едноставен, но задачите можат да бидат многу тешки. Во секоја загатка играчот активира одредени „правила“, од кои секое претвора еден шаблон од симболи во друг. Целта е правилата да се применат по правилен редослед и што е можно побрзо, за еден низа од симболи да стане еднаква на друга.

Дополнителен притисок создава тајмерот што одбројува време. По партијата, играчите можат да наведат колку играта им била тешка и фрустрирачка, како и кои стратегии ги користеле, од решавање чекор по чекор и препознавање обрасци, до сè до ненадејно кликање напосоки кога времето ќе почне да истекува.

„DecryptIQ“ собира анонимизирани податоци за играњето и демографски податоци што учесниците ги даваат, но корисниците можат да го исклучат нивното споделување. За играчи помлади од 18 години, споделувањето податоци е автоматски исклучено.

Истражувачите нагласуваат дека резултатот на „DecryptIQ“ не е исто што и резултат од тест за интелигенција, но дека е поврзан со работната меморија, расудувањето и контролата на вниманието што се важни аспекти на човечката когниција.

Научниците се надеваат дека резултатите од експериментот ќе помогнат во развојот на подобри начини за учење математика и програмирање.
Извор: Science Alert
Фото: DecryptIQ/Screenshot