Плата од 2.000 долари неделно и дружење со холивудските ѕвезди... Пријавете се!
Подготвил:
Драгана Петрушевска
Од неодамна, Македонија може да ужива во магијата на „Нетфликс“. Иако се популарни во целиот свет, од компанијата секогаш успеваат да нè изненадат во поглед на маркетингот и промоцијата меѓу корисниците.
Најновата понуда од компанијата е 2-неделно патување за 4 корисници на кое корисниците ќе може да ги посетат телевизиските и филмски сетови, да се дружат со холивудските ѕвезди и да добијат плата од 2.000 долари неделно (со сите покриени трошоци за сместување и превоз), а единствените услови се поседување профил на „Инстаграм“ и многу многу среќа.
Така, на својата официјална страница, „Нетфликс“ објави некои основни правила за добивање титула „Grammaster“:
- Следење на @Netflix
- означување на три омилени фотки со #grammaster3 на „Инстаграм“
- да се фанови на телевизијата и филмовите со талент за правење фотографии.
Победниците ќе патуваат две недели и ќе заработуваат 2.000 долари неделно.