Треба да внесуваме двојно повеќе витамин Це од препорачаната доза

Препорачаната доза на витамин Це треба да биде двојно поголема од моменталната, покажува ново истражување. Во моментов Светската здравствена организација препорачува да се внесуваат 45 милиграми витамин Це дневно.

Истражувачите чие истражување е објавено во „Американ џурнал оф клиникал нутришн“ велат дека моменталната препорака се заснова на истражување од 1944 година кое било спроведено во Обединетото Кралство за време на Втората светска војна, кога имало недостиг на храна.


Во рамките на новото истражување, учесниците внесувале 0, 10 или 70 милиграми витамин Це дневно девет месеци. Во овој период се тестирала реакцијата на телото на рани за да се измери соодветното ниво на витамин Це бидејќи бавното зараснување на раните е показател за недостиг на витаминот.

Резултатите покажале дека препорачаната доза на витамин Це е премногу мала и треба да се удвои.

Витаминот Це помага во заштита на клетките и зачувување на нивното здравје, одржување здрава кожа, крвни садови, коски и зглобови и помага во побрзо заздравување на раните. Добар извор на витамин Це се цитрусните овошја, како и пиперките, прокељот, компирите, јагодите и брокулата.

Извор: Independent 
Фото: Pixabay