Мартинките влегоа во УНЕСКО

Мартинките станаа светско духовно културно наследство. Обичајот да се носат мартинки се впишани на репрезентативната листа на нематеријално културно наследство на човештвото под закрила на УНЕСКО. Апликацијата е изгласана на 12. состанок на Комитетот за заштита на нематеријалното културно наследство кој од 6 до 9 декември се одржува на островот Џеџу во Јужна Кореја. На состанокот присуствува Билјана Прентоска, новиот генерален-секретар при Националната комисија на УНЕСКО на Република Македонија.

Мартинките се мултинационална апликација, бидејќи обичајот не се практикува само во нашата земја, туку и во Бугарија, Романија и во Моладавија. Сите четири земји го подготвија досието рамноправно. На овој состанок на УНЕСКО на дневен ред ќе се најде и прославувањето на прославувањето на Хидерлез во Македонија. На агендата е и доделувањето на акредитации на невладини организации. На списокот на 50 невладини од цел свет се најде и Центарот за научни истражувања и промоција на културата ХАЕМУС од Скопје. Оваа организација веќе неколку години во март организира случувања за промоција и задржување на традицијата на мартинките во Македонија.