Полски музеј го кани Роберт де Ниро да го види портретот на својот двојник

Полскиот музеј го покани американскиот актер Роберт де Ниро да го посети Вроцлав, град на југот на Полска, и да го види портретот од 17 век познат по сличноста со актерот.

Сликата, под наслов „Портрет на Јохан Фогт“, изложена во Националниот музеј, е насликана во 1628 година од Бартоломеус Штробел Младши, еден од најистакнатите барокни сликари.

Делото прикажува човек за кој се верува дека е Јохан Фогт, службеник во Вроцлав, и има неверојатна сличност со американскиот оскаровец.

Музејот соопшти дека портретот привлекува сè поголемо внимание на социјалните мрежи поради неверојатната сличност.

 

- Платното прикажува маж со мустаќи и карактеристична шилеста брада. Интересно е што лицето на моделот потсетува на лицето на современиот американски филмски актер Роберт де Ниро. Сличноста е неверојатна - наведува Националниот музеј на својата веб-страница.

Штробел, роден во Вроцлав во 1591 година, се школувал во Прага за време на владеењето на царот Рудолф II, а подоцна творел низ Полска, вклучувајќи ги Гдањск, Елблаг и Торуњ.

Негово најпознато дело, „Иродова гозба и обезглавување на свети Јован Крстител“, е дел од колекцијата на музејот „Прадо“ во Мадрид.

Извор: Atvbl.rs
Фото: Twitter