Совети за зајакнување на сигналот на „ајфон“ и андроид-телефони

Слабиот или нестабилен сигнал не е секогаш вина на операторот. Понекогаш проблемот е во самиот телефон - на пример, вашиот уред „се држи“ за слаба, далечна базна станица наместо да бара посилна во близина. Ако сигналот ви падне додека патувате, на пат или дури и дома, обидете се со овие брзи чекори.

Променете ја вашата локација (и отстранете ги пречките)

Сигналите лесно можат да се изгубат зад дебели ѕидови или метал. Обидете се да се приближите до прозорец, да излезете надвор или да се оддалечите од големи метални предмети.

Отстранете ја футролата на телефонот

Дебелата футрола може да ја блокира антената на вашиот уред. Отстранете ја накратко и видете дали сигналот се подобрува.

Проверете ја батеријата

На вашиот телефон му е потребна доволно енергија за да пронајде и да одржува силен сигнал. Ако батеријата е слаба, вашиот прием може да биде слаб.

Вклучете и исклучете го режимот на авион (најбрзото решение!)

Андроид: Повлечете кон надолу > Брзи поставки > Режим на авион
Почекајте 15 секунди, а потоа исклучете го.

Ајфон: Контролен центар (повлечете од горе десно или долу, во зависност од моделот)

Вклучете ја портокаловата икона со авион. Почекајте 15 секунди, а потоа исклучете го.

Ако тоа не функционира, рестартирајте го телефонот

Како и секој компјутер, вашиот телефон треба да се рестартира одвреме-навреме. 

Извадете ја и повторно вметнете ја СИМ-картичката (за постари уреди)

Понекогаш СИМ-картичката се поместува или се полни со прашина. Направете го ова: извадете ја со алатка за СИМ, избришете ја со сува крпа и повторно вметнете ја. Ако е оштетена, треба да се замени. (За еСИМ – само рестартирајте го телефонот.)

Проверете ги поставките на операторот и ажурирањата на софтверот

Ајфон: Поставки > Општо > За телефонот. Доколку има ажурирање од оператор, ќе видите известување.
Андроид: Пребарајте „поставки на оператор“ (Carrier settings). (Не е достапно на сите модели).


Контактирајте го вашиот оператор

Базната станица може да е недостапна, оптичкиот кабел може да е надвор од употреба, вашата улица може да има слаба покриеност или вашата СИМ-картичка може да е оштетена. Вашиот оператор може да ја провери мрежата и да предложи решение.

Ако сè друго не успее, користете засилувач на сигнал

Засилувачот на сигнал го засилува вашиот постоен мобилен сигнал и може значително да го подобри приемот во вашиот стан, куќа или канцеларија.

Извор:pcekspert.hr

Фото: Freepik